मुख्यमंत्री श्री भूपेश बघेल ह मल्टीलेवल कार पार्किंग के लोकार्पण कर के शहरवासी मन ल दीस सौगात

25 हजार वर्गफीट म करे गय हे तियार
ट्रैफिक अउ वाहन पार्किंग के समस्या ले मिलही निजात
बिलासपुर, मुख्यमंत्री श्री भूपेश बघेल ह आज बिलासपुर विधानसभा म भेंट-मुलाकात कार्यक्रम म कलेक्टोरेट परिसर म लगभग 25 हजार वर्गफीट म निर्मित मल्टीलेवल कार पार्किंग के लोकार्पण कर के शहरवासि मन ल सौगात दीस हे। मल्टीलेवल कार पार्किंग ले अब ट्रैफिक के समस्या ले निजात मिलही।
16 करोड़ 88 लाख रूपिया के लागत ले निर्मित मल्टीलेवल कार पार्किंग म बेसमेंट अउ ग्राउंड फ्लोर के अलावा दू फ्लोर अउ बनाय गए हे, जेन म 257 कार अउ 333 बाइक पार्किंग के क्षमता हे। ए बिल्डिंग म सीढ़ि के अलावा दू लिफ्ट तको लगाय गय हे अउ आपातकाल ब फायर फाइटिंग सिस्टम घलो हे।
शहर के सबले महत्वपूर्ण अउ व्यस्त इलाका नेहरू चौक-कलेक्टोरेट अउ ओकर आसपास पार्किंग अउ ट्रैफिक के समस्या हमेशा ले बने रहत रहिस हे। जम्मो शासकीय कार्यालय, न्यायालय ए क्षेत्र म हे तेकर ब बडे़ संख्या म लोग इहां पहुंचथे, बडे़ संख्या म भीड़ आए के कारण ए जगह पार्किंग एक बडे़ समस्या रहिस हे, लोग मन ल पार्किंग अउ ट्रैफिक के समस्या ले जुझे ब पड़त रहिस हे, तेकर ले अब निजात मिलही।