रायपुर कलेक्टोरेट म मल्टीलेवल पार्किंग म सुरू होही बी.पी.ओ. सेंटर, मुख्यमंत्री 17 अपरेल के करही भूमिपूजन

रायपुर, नेहा राठौर के खबर/ मुख्यमंत्री श्री भूपेश बघेल 17 अपरेल के रायपुर सहर म 500 सीटर बीपीओ सेंटर इस्थापित करे ब भूमिपूजन करही। कमबेसी के के 10 करोड़ रूपिया के लागत ले ए बीपीओ सेंटर कलेक्टोरेट के आघू मल्टीलेवल पार्किंग के पांचवा तल म सुरू होही। मुख्यमंत्री श्री बघेल के सोच के हिसाब ले ए बी.पी.ओ. सेंटर के इस्थापना रायपुर के युवा मन ल उन्नत अउ आधुनिक सुविधा ले आत्मनिर्भर बनाए के उद्देश्य ले करे जाथ हे। ए बी.पी.ओ. ले कॉल सेंटर कस्टमर सपोर्ट, सेल्स एंड मार्केटिंग, डाटा एंट्री, टेक्निकल सपोर्ट, चैट सपोर्ट, बैंक एंड फ्रंट ऑफिस वर्क, सोशल मीडिया हैण्डलिंग, डाटा एनालिसिस जईसे आउटसोर्सिंग व्यवसाय ले युवा मन ह जुड़ सकही।
रायपुर म ए तरह के कॉल सेंटर नई होए के सेथी इहां के युवा मन ल इंदौर, बैंगलुरू जईसे अउ महानगर मन म जाके रोजगार के अवसर खोजे ल परथे। अब रायपुर म बीपीओ सेंटर खुल जाए ले अइसे युवा मन ल रोजगार के नवा नवा अवसर मिलही। सेंटर के सहइता के देस-विदेस के बड़का बड़का कंपनि अउ वाणिज्यिक सेवा संस्थान ले जुड़के स्थानीय युवा मन के रोजगार अउ विकास म भागीदारी घलो बाढ़ही।एकर संग नवा तकनीक के उपयोग ले अलग अलग कंपनि मन म संपर्क होए ले युवा मन के संवाद कउशल घलो बाढ़ही,जेकर ले बिकास के नवा रस्ता घलो खुलही।