मुंगेली 12 मई 2020// छत्तीसगढ शासन स्वास्थ्य अउ परिवार कल्याण विभाग द्वारा जारी निर्देश म कलेक्टर अउ जिला दण्डाधिकारी डा सर्वेश्वर नरेन्द्र भूरे के मार्गदर्शन म जिला म कोरोना वायरस कोविड.19 के सक्रमण ले रोकथाम अउ बचाव करे बर जिला के ग्रामीण अउ नगरीय क्षेत्र म एक्टिव सर्विलेंस टीम के गठन करे गे हे। जेहा सर्वेक्षण के साथ साथ बचाव अउ सुरक्षा खातिर जनजागरूकता प्रचार प्रसार करत जरुरी सहायता घलो करही। एक्टिव सर्विलेंन्स टीम म जिला स्तरीय नोडल अधिकारी श्री राजेन्द्र कश्यप जिला कार्यक्रम अधिकारी महिला अउ बाल विकास ल नियुक्त करे गे हे . जेखर सहायता बर खंडस्तरीय सर्विलेंस टीम गठित करे गे हावय। गठित एक्टिव सर्विलेंस टीम के प्रशिक्षण जिला के नगरीय निकाय तीनों जनपद मुंगेली ,लोरमी अउ पथरिया म आज 11 बजे सम्पन्न होइस। जिला मुख्यालय मुंगेली म डा जे पी मिश्र विज्ञान महाविद्यालय, लोरमी जनपद म बालक उच्चतर माध्यमिक शाला अउ पथरिया जनपद म अवंती बाई लोधी शासकीय महाविद्यालय म मास्टर ट्रेनर सब्बो संकुल शैक्षिक समन्वयक,सीएसीद्ध अउ पर्यवेक्षक महिला अउ बाल विकास विभाग के द्वारा एक्टिव सर्विलेंस दल ल प्रशिक्षण देय गिस । खंड स्तरीय एक्टिव सर्विलेंस टीम कन्टेमेंट जोन म सर्दी, बुखार, खासी, सांस लेय मे तकलीफ के लक्षण वाले मनखे के पता लगाय के काम करहीं। जिला स्तरीय नोडल अधिकारी के सहायता अउ एक्टिव सर्विलेंस बर विकासखंड स्तर म दल गठित करे गे हे।
मुंगेली ले दिलीप बसंत
