मुंगेली 18 मई 2020// कलेक्टर अउ जिला दंडाधिकारी डाॅ. सर्वेश्वर नरेंद्र भुरे ह आज जिला कलेक्टोरेट स्थित मनियारी सभा कक्ष म ग्रामीण क्षेत्र म बाहीर से आय मजदूर खातिर बनाय क्वारेंटाइन सेंटर बर नियुक्त जोनल अधिकारी के बैठक लीन । बैठक म क्वारेंटाइन सेंटर म आवश्यक सामाग्री जैसे शौचालय, स्नानागार, पंखा, लाईट, सेनेटाइजर बाटल, भोजन व्यवस्था, अपशिष्ट सामग्रि के निपटान आदि के संबंध मे आवश्यक निर्देश दिन। बैठक म डाॅ. भुरे ह कहिन कि जिला मे अब तक आन राज्य अउ बाहर ले 15 हजार श्रमिक आ चुके हें अउ 13 हजार श्रमिक के आय के संभावना हावय। श्रमिक मन ल 14 दिन बर जिला म चुने कैठन क्वारेंटाइन सेंटर म क्वारेंटाइन करे गे हे। कोनो भी हालत म बाहर जाय के इंजाजत नई दे जावय। ग्रामीण द्वारा निस्तारी बर उपयोग करे जाय वाले तरिया के उपयोग ले वर्जित रखे जाए। बल्कि स्नान्धे बर कैम्पस म ही उचित स्नानागार के व्यवस्था करे जाए। क्वारेंटाइन सेंटर मे श्रमिक के भोजन व्यवस्था मे दो गज के दूरी रखत सोशल डिस्टेसिंग के सब्बो नियम के पालन करे, भोजन बर डिस्पोजेबल, पत्तल अउ गिलास के उपयोग करे आदि के संबंध म घलो आवश्यक निर्देश दिन। बैठक म कहीन कि क्वारेंटाइन सेंटर मे कोनों व्यक्ति ल सर्दी, खांसी, बुखार अउ श्वांस लेय मे तकलीफ होय के अवस्था मे या कोविड-19 के संभावित लक्षण होय ले तत्काल सूचना क्वारेंटाइन सेंटर के प्रभारी माध्यम ले स्वास्थ्य विभाग ल प्रेषित करे जाए।
कलेक्टर डाॅ. भुरे ह कहीन कि क्वारेंटाइन स्थापित करे अउ संचालित करे के दायित्व ग्राम पंचायत के होही। कम्युनिटी सर्वेलेंस के काम आंगनबाडी कार्यकर्ता अउ आवश्यकतानुसार कान्टैक्ट ट्रेसिंग के काम शिक्षक द्वारा करवाय जाय। ग्राम के कोटवार द्वारा सोशल डिस्टेसिंग के काम सुनिश्चित कराय जाए। बैठक म जिला पंचायत के मुख्य कार्य पालन अधिकारी श्रीमति नुपूर राशि पन्ना, अपर कलेक्टर श्री राजेश नशीने सहित नियुक्त सब्बो जोनल अधिकारी उपस्थित रहिंन।
मुंगेली ले दिलीप बसंत
