- कलेक्टर ह करिन चेक पोस्ट के अचानक निरीक्षण
कहींन , श्रमिक मनखे के आवभगत म कोनो भी प्रकार के कमी नई आवन दन
मुंगेली 11 मई 2020// नोवेल कोरोना वायरस (कोविड-19) ल ध्यान रखत आन राज अउ बाहर ले अवइया श्रमिक अउ मजदूर के जानकारी बर जिला के सीमावर्ती क्षेत्र म चेक पोस्ट (बेरियर) बनाय गे हे। ये चेक पोस्ट (बेरियर) ले गुजरैया श्रमिक हमर पहुना हवयं। सब्बो चेक पोस्ट ले गुजरइया पहुना श्रमिक बर फ्री खाना, पिये के पानी, दवाई अउ आराम करे के सुविधा दे गे हे। ऊंखर आवभगत म कोनो भी प्रकार के कमी नई आवन देन। कलेक्टर डाॅ. सर्वेश्वर नरेंद्र भुरे ह आज अपन भ्रमण के दौरान जिला म बनाय कई ठन चेक पोस्ट (बेरियर) के अचानक जाँच करिन अउ संबंधित अनुभाग के अनुविभागीय अधिकारी राजस्व ल आवश्यक निर्देश दिन ।
कलेक्टर डाॅ. भुरे ह अपन भ्रमण के वखत जिला के विकास खण्ड मुंगेली के सीमावर्ती क्षेत्र पड्रभट्ठा, बरेला अउ पथरिया विकास खण्ड चंदखुरी, किरना अउ सरगांव म स्थापित चेक पोस्ट (बेरियर) के अचानक जाँच करिन । भीषण गर्मी ल देखत सब्बो चेक पोस्ट के (बेरियरो) म श्रमिक खातिर कुलर के व्यवस्था, लइका मन बर झूला आदि के व्यवस्था करे अउ सब्बो चेक पोस्ट (बेरियर) म बडे़ अउ बने अक्षर म श्रमिक सहायता केंद्र के बैनर लगाय के निर्देश दिन हे । एन बखत जिला के पुलिस अधीक्षक श्री डी. श्रवण, संबंधित अनुभाग के अनुविभागीय अधिकारी राजस्व अउ पुलिस विभाग के अधिकारी घलो रहिन।
मुंगेली ले दिलीप बसंत