कोरोना संक्रमण ले बचाव बर जिला प्रशासन अलर्ट, सी एम ओ साहब ह बताइन जिला के आंकड़ा अउ व्यवस्था

मुंगेली 23 मई 2020// वर्तमान मे वैश्विक स्तर म फैले कोरोना वायरस के संक्रमण के रोकथाम बर जिला प्रशासन अउ स्वास्थ्य विभाग अलर्ट हो गे हे। जिला मे बाहर ले आय मनखे ल क्वारेंटाईन सेंटर म रखे जावत हे। स्वास्थ्य विभाग के नियमानुसार क्वारेंटाईन नियम के पालन करे, आम जनता ल भीड़ से दूर रहे, अउ घर म ही रहे के सलाह दे जावत हे। मुख्य चिकित्सा एवं स्वास्थ्य अधिकारी ह आज ईहां बताइन कि विदेश ले आय मनखे के संख्या 9 हवय। देश के अंदर दूसर प्रदेश अउ दूसर जिला ले (जनपद पंचायत द्वारा मिले प्रवासी मजदूरो अउ आन व्यक्ति ) के संख्या 25 हजार 13 हवय।14 हजार 500 मनखे ल क्वारेंटाईन करे गे हवय।जेमा 4 हजार 628 मनखे द्वारा क्वारेेंटाईन के अवधि पूर्ण कर लिये गय हे। 5 हजार 126 मनखे द्वारा होमआईसोलेशन के अवधि पूर्ण कर लिए गे हे, अउ 465 मनखे ल होमआईसोलेशन म रखे गे हे। जिला मे 1 हजार 443 क्वारेंटाईन सेेंटर बनाय गे हवय। 48 बिस्तर वाले जिला स्तरीय क्वारेंटाईन हाॅस्पिटल अउ 19 हजार 422 बिस्तर के सुविधा युक्त क्वारेंटाईन हाॅस्पिटल तैयार करे गे हे। 2 हजार 717 मनखे के ब्लड सेम्पल टेस्ट बर भेजे गे हे जेमे से 1 हजार दो सौ वी.टी.एम. अउ 1 हजार 517 आर. डी. किट शामिल हे। 612 मनखे के वी.टी.एम. अउ 1 हजार 517 मनखे के आर.डी.किट केरिपोर्ट मिल गे हे। जेमा 3 पाॅजीटिव, 2 हजार 187 नेगेटिव अउ 2 रिजेक्ट (अस्वीकृत) करे गे हे।

मुंगेली ले दिलीप बसंत