मवेसी के अस्पताल अउ एकर ले जुडे़ जम्मो स्वास्थ्य स्थापना निजी, शासकीय, अर्धशासकीय डिस्पेसरी अउ रेडक्रास सोसायटी के सेवा चालू रइही
मुंगेली 09 अप्रैल 2020। मुंगेली जिला म किसान मन के सुविधा ल देखत कृषि मशीनरी के बिक्री, ओकर स्प्रेयर पार्ट्स, मरम्मत के दुकान मन लॉकडाउन ले मुक्त इही। ये दुकान मन लॉकडाउन के बेरा म घलव अपन निर्धारित समय तक खुले रइही। अउ राज्यमार्ग म पेट्रोल पंप या ओखर आस-पास स्थित ट्रक के मरम्मत बर संचालित दुकान घलव खुले रइही। ये आदेश कलेक्टर अउ जिला दंडाधिकारी डॉ. सर्वेश्वर नरेंद्र भुरे ह राज्यशासन के दिशा निर्देश के अनुरूप जारी करे हे। जारी आदेश के मुताबिक पशु चिकित्सालय अउ ओखर ले सम्बंधित जम्मो स्वास्थ्य स्थापना जइसे- मेडिकल सपलाई, विनिर्माण, वितरण, निजी, शासकीय, अर्धशासकीय क्षेत्र के डिस्पेंसरी, केमिस्ट, फ्रार्मेसी (जनऔषधी केंद्र) मेडिकल इक्यूपमेंट दुकान, लैब, दवा रिसर्च लैब, क्लिनिक, नर्सिग होम, एम्बुलेंस, इंडियन रेडक्रास सोसायटी के सेवा नियमित रूप से संचालित होही। जारी आदेश के मुताबिक चिकित्सक, नर्स, पैरामेडिकल, स्टाफ संग जम्मो प्रकार के चिकित्सकीय कार्य के स्टाफ अउ सहायक सेवा, संबंधित व्यक्ति के परिवहन के अनुमति देहे गए हे। देश म चिकित्सा आक्सीजन के पर्याप्त आपूर्ति बनाय रखे बर चिकित्सा क्षेत्र के संचालित सेवा ल घलव शर्त के अधीन तालाबंदी ले छूट देहे गए हे।
मुंगेली ले गुरतुर गोठ बर दिलीप बसंत