मुख्यमंत्री ह कहिन कटघोरा-डोंगरगढ़ रेल परियोजना अंतर्गत भू-अर्जन के कार्यवाही होही लउहे
रायपुर, 14 जून 2024। मुख्यमंत्री श्री विष्णुदेव साय ह कहिन हे कि अवइया समय म मुंगेली जिला रेल नेटवर्क म सामिल हो जाही, एखर से मुंगेली जिला म रेल के सुविधा मिलही। उमन बताइन कि कटघोरा-डोंगरगढ़ विशेष रेल परियोजना बर राज्य शासन ह 300 करोड़ रूपिया के राशि स्वीकृत करे हे। जल्दीच भू-अर्जन के कार्यवाही चालू करे जाही। ए परियोजना अंतर्गत मुंगेली जिला म 38.02 किलोमीटर रेल लाईन गुजरही, जेखर से ए क्षेत्र के मनखे घलोक अवइया समय म रेल सेवा ले लाभान्वित होही। श्री साय आज मुंगेली जिला के ग्राम फरहदा म भक्त माता कर्मा मंदिर प्राण प्रतिष्ठा समारोह ल सम्बोधित करत रहिन।