मुंगेली जिला के विकासखण्ड मुंगेली म युवा महोत्सव के रंगारंग शुभारंभ

मुंगेली, कलेक्टर डॉ. सर्वेश्वर नरेंद्र भुरे के कुशल मार्गदर्शन म स्‍वामी विवेकानंद जी के जयंती के अवसर म जिला के विकासखण्ड मुंगेली के शिवप्रसाद पाठक बीआरसाव स्कूल मुंगेली के सभाभवन म आज युवा महोत्सव के रंगारंग शुभारंभ होइस। जिला पंचायत सदस्य श्रीमती उर्मिला रमेश यादव ह स्‍वामी विवेकानंदजी अऊ राष्ट्रपिता महात्मा गांधी जी के फोटू के आगू दीया जलाके युवा महोत्सव के शुभारंभ करिन अऊ युवा महोत्सव म संघरे छात्र-छात्रा मन ल सुग्‍घर प्रदर्शन करे बर अपन बधाई दीन। ये बेरा म जिला पंचायत सदस्य श्री लोकराम साहू, जिला पंचायत के मुख्य कार्यपालन अधिकारी श्री एचके शर्मा, मुंगेली अनुभाग के अनुविभागीय अधिकारी राजस्व श्री चित्रकांत चाली ठाकुर संग बड़ संख्या म छात्र-छात्रा मन उपस्थित रहिन। युवा महोत्सव म लोक नृत्य, लोक गीत, सुआ नृत्य, पंथी नाचा, गेड़ी दौड़, चाल, फुगड़ी, भौंरा, राऊत नाचा, करमा नाचा, पारंपरिक वेशभूषा, फुड फेस्टिवल प्रतियोगिता (छत्तीसगढ़ी व्यंजनों म आधारित), चित्रकला प्रतियोगिता (छत्तीसगढ़ी लोक संस्कृति के विसय म आधारित), वाद-विवाद प्रतियोगिता, क्विज प्रश्नोत्तरी, निबंध प्रतियोगिता आदि विधा मन म छात्र-छात्रा मन अपन प्रस्तुति देहीं। हम इहां बता देवन के राज्य शासन कोति ले युवा मन ल विशेष अवसर अऊ मंच प्रदान करे, सांस्कृतिक गतिविधि मन ले युवा मन ल जोड़े अऊ उंखर प्रतिभा ल निखारे के उद्देश्य ले स्‍वामी विवेकानंदजी के जयंती के उपलक्ष्य म युवा महोत्सव के आयोजन करे जात हे।