31 मई 2020 तक के अग्रिम उठाव करे ले कोनो भी प्रकार के ब्याज अधिभारित नई होवय
मुंगेली 22 अप्रैल 2020// जिला के सब्बो किसान भाई मन से अपील हे कि खरीफ सत्र 2020-21 सुरू हो गे हे जेखर बर किसानी काम अवइया दिन म चालू हो जहि । खरीफ मौसम खातिर जिला के सब्बो सहकारी समिति कोती ले किसान ल खाद अउ बीज बांटे के पूरा तैयारी विभाग ह कर ले हावय। उप संचालक कृषि मुंगेली ह अवगत कराय हावय कि खरीफ मौसम बर सब्बो सहकारी समिति म खाद अउ बीज के भंडारण सुरु करे जा चुके हे। 31 मई 2020 तक खाद अउ बीज के अग्रिम उठाव करे म कोनो भी प्रकार के ब्याज अधिभारित नई होवय। त सब्बो किसान भाई से अपील हे कि खाद अउ बीज के अधिक से अधिक अग्रिम उठाव कर लेवैं।
मुंगेली ले गुरतुर गोठ बर दिलीप बसंत
