महिला एवं बाल विकास विभाग के सुपरवाइजर अउ आंगनवाड़ी कार्यकर्ता, सहायिका बहनी मन के द्वारा ‘जिला सहायता कोष’ म 51000 रूपया के योगदान

मुंगेली 22 अप्रैल 2020// नोवेल कोराना (कोविड-19) के वैश्विक संक्रमण ल देखत जिला के कई सामाजिक संगठन अउ समाज सेविका मनखे मन मुख्यमंत्री सहायता कोष अउ जिला सहायता कोष बर खुला हांथ ले दान देय के सिलसिला जारी हे। एही कड़ी म आज मुंगेली जिला के महिला  बाल विकास विभाग  जिला कार्यक्रम अधिकारी राजेन्द्र कश्यप के मार्गदर्शन म एकीकृत बाल विकास परियोजना मुंगेली-1 के परियोजना अधिकारी श्रीमती मृदुला ऋषि के अगुवाई म सब्बो सुपरवाइजर अउ आंगनवाड़ी कार्यकर्ता-सहायिका के द्वारा कोरोना संक्रमण से निपटे अउ जरूरतमंद मजदूर, असहाय लोगन के मदद करे बर जिला मुंगेली सहायता कोष म 51000.00 राशि के योगदान जिला पंचायत मुंगेली के मुख्यकार्य पालन अधिकारी श्रीमती नुपूर राशि पन्ना ल दे गिस। ये वखत डिप्टी कलेक्टर सुश्री निकिता मरकाम, पर्यवेक्षक श्रीमती उमा तिवारी, ताराचंद साहू  घलो उपस्थित रहिन ।