मुंगेली 13 मई 2020। आज मुंगेली म करीब 30 लाख के समान की जब्ती करे गे हे। एसडीएम अउ तहसीलदार के सियानी म दुकान अउ गोदाम मन म दबिश देहे गीस। ए कार्रवाई ले व्यापारी मन म हड़कंप मच गे।
जानबा हे के ये कोतवाली थाना के शंकर वार्ड के मामला आय। छापामार कारवाही वाले टीम म चित्रकान्त चार्ली सिंह ठाकुर, तहसीलदार अमित सिन्हा सहित नगरपालिका, खाद्य विभाग अउ पुलिस प्रशासन के संघरा उदीम म ये कारवाही होइस। रायपुर रोड़ खड़-खड़िया नाला के पास कुछ व्यापारी के गोदाम अउ शहर के भारत बुक स्टाल के गोदाम म भारी मात्रा म गुठखा अउ गुड़ाखु पाय गिस, जेकर अनुमानित कीमत 30 लाख बताय जावत हे। छापामार टीम के बताती ये अवैध रूप ले जादा कीमत म ब्लेक म बेचे बर रखे गए भंडारन रहिस।
छापा मारे निकले टीम एक सलोनी फैक्ट्री में पहुंचीस त ये देखके दंग रह गिस कि उहां सलोनी बर मैदा पाँव ले खुन्दत रहिंन ओला। जहां घटिया काम होवत रहिस तलरेजा सलोनी फैक्ट्री में. बाकी खाद्य सामग्रि भी अमानत तरीका ले बनाय जावत रहिस हे। फैक्ट्री म उत्पादन बंद करके सील कर दिये गिस। एसनिहे नारू भोजवानी नामक व्यापारी के यहां घलो 120 बोरा राजश्री गुटखा अउ गुड़ाखु जब्त करे गिस। दोनों मामला में संचालक के ऊपर केस दर्ज कर लिये गे हे।
मुंगेली ले दिलीप बसंत