मुंगेली /23अप्रैल/ नोवेल कोरोना वायरस ह देश देश म मनखे के जान लेवत हे अउ एकरे खातिर सरकार ह सब्बो राज म लॉक डॉउन लागु कराय हावय। सबला सोसल डिस्टेंसिंग के पालन लंबा समय तक करना हे। लेकिन कई झन बाज नई आवत ऐ अउ नियम के पालन जिम्मेदारी ले करत नइये। अइसने मुंगेली नवा बस स्टैंड के पास म आदर्श कृषि उपज मंडी हावय जेमेर आस पास के किसन्हा साग भाजी बेचैया मन रोजेज बिहनिया आके अपन बाड़ी के साग भाजी ल बेचथे कम रेट म। साहूकार मन घलो थोक म आलू प्याज अउ सब्जी मंडी म बेचथे। घूम घूम के सब्जी बेचैया मनके मेला लग जाथे। अइसन म कोरोना संक्रमण के खतरा मंडरावत हे। जिला प्रशासन ल अहू कोती ध्यान लगाना चाही। अउ सोसल डिस्टेंसिंग के पालन घलुक कराना चाही।
मुंगेली ले गुरतुर गोठ बर दिलीप बसंत