मुंगेली/दिलीप कुमार बसंत/ आजादी के अमृत महोत्सव के संग जिला मुंगेली म महात्मा गांधी राष्ट्रीय ग्रामीण रोजगार गारंटी योजना के माध्यम ले पथरिया जनपद पंचायत के अण्डा पंचायत निवासी श्री इन्द्रजीत पिता सुन्दरलाल के जीवन म अब्बड़ बदलाव होइस हे। 2020-21 बछर म मनरेगा ले स्वीकृत अपन डबरी निर्माण काम पूरा होय ले इंद्रजीत अपन आर्थिक स्थिति सुधार करे के अवसर मिलिस। इन्द्रजीत पहले धान के खेती करत रहिस, पर खेत म डबरी बने के बाद डबरी म मछली पालन करे लगिस। इन्द्रजीत ह बताईन कि डबरी म कोतरी अउ रोहू मछरी के पालन करे रहिस जेन मछरी ल बाजार म बेचके अब तक लगभग 35000 से 42000 तक के मुनाफा होय हे। इखर साथ-साथ डबरी के लगठा साग भाजी लगाय ले डबरी के मेड़ म रहेर के खेती घलो करे लगीस। जेखर उत्पादन बढ़िया होइस रहेर दार ल बेचके 15000 से 20000 रूपय तक के मुनाफा मिले हे। केमिकल वाले साग भाजी ले छुटकारा पाय खातिर डबरी के मेड़ तीर अपन बर जैविक साग सब्जी के उत्पादन करत हावयं। इन्द्रजीत ह बताईन कि डबरी खनन ले पहले उखर बोर म बहुत कम पानी आत रहिस, डबरी निर्माण के बाद ग्राउंड वाटर रिसोर्स होय ले ज्यादा पानी भी आय लगे हे। जेन मुनाफा होइस हे वो पैसा ले पहले अपन जीवन यापन बर गौटिया ले लेय कर्ज चुकता करे हावय।
