मुख्यमंत्री ह जैवविविधता पार्क म भारत रत्न पूर्व प्रधानमंत्री स्व. श्री राजीव गांधी के प्रतिमा म करिस माल्यार्पण

मुख्यमंत्री श्री भूपेश बघेल हितग्राही मन करा मिलिस ,सीधा संवाद कर के लिस फीडबैक
मुंगेली, मुख्यमंत्री श्री भूपेश बघेल आज प्रदेश स्तरीय भेंट मुलाक़ात कार्यक्रम म मुंगेली जिला के लोरमी विधानसभा क्षेत्र के ग्राम खुड़िया पहुँचिस। मुख्यमंत्री श्री बघेल ह भेंट मुलाकात ले पहिली सिंचाई परियोजना खुड़िया बाँध के तिर जैवविविधता पार्क के अवलोकन करिस। ओ ह पार्क म भारत रत्न अउ पूर्व प्रधानमंत्री स्वर्गीय श्री राजीव गांधी ल3 प्रतिमा म माल्यार्पण करिस।  मुख्यमंत्री श्री बघेल ह पार्क म राज्य शासन के लोक कल्याणकारी योजना के लाभ लेवत हितग्राही मन करा भेंट मुलाकात कर के सीधा संवाद करिस। हितग्राही मन के हाल- चाल जानिस।
उल्लेखनीय हे कि वन एवं जलवायु परिवर्तन विभाग मुंगेली कती ले “जैव विविधता पार्क खुड़िया” के स्थापना मई 2020 म पूरा करे गए रहिस हे। ए ह छत्तीसगढ़ शासन वन एवं जलवायु परिवर्तन विभाग के महत्वाकांक्षी परियोजना के तहत, लोगन मन म जैव विविधता के प्रति जागरूकता लाए अउ ओकर सरंक्षण, संवर्धन अउ सुरक्षा के दृष्टिकोण ले निर्मित करे गए रहीस हे । उक्त पार्क ल विभिन्न भाग म विभाजित करे गए हे जेमा नक्षत्र वाटिका, नवग्रह वाटिका, नेचर ट्रेल, बटरफ्लाई उद्यान अउ मियावकी प्लांटेशन प्रमुख हे। ए पार्क म लोगन मन के आय बढ़ाए अउ जीविकोपार्जन के प्रशिक्षण ब तीन डोम निर्मित ह3। भारत रत्न अउ पूर्व प्रधानमंत्री स्व राजीव गांधी के प्रतिमा के माल्यार्पण कार्यक्रम अवसर म संसदीय सचिव श्रीमती रश्मि आशीष सिंह समेत् अउ जनप्रतिनिधि उपस्थित रहिस हे।