मुंगेली, जिला म शिक्षा व्यवस्था ल सुदृढ़ अऊ प्रभावी बनाए के दिशा म युक्तियुक्तकरण प्रक्रिया ल पारदर्शी तरीका ले लागू करत 98 एकल शिक्षकीय शाला मन म 133 शिक्षक के पदस्थापना करे गए हे। ए पहल ले दूरस्थ अउ ग्रामीण अंचल के लइका मन ल बेहतर अऊ सतत शिक्षा प्राप्त होए के मार्ग प्रशस्त होय हे।
जिला शिक्षा अधिकारी ह बताइस के युक्तियुक्तकरण के तहत 82 प्राथमिक शाला मन म 99 शिक्षक, 7 पूर्व माध्यमिक शाला मन म 18 शिक्षक, अउ 9 उच्चतर माध्यमिक शाला मन म 16 शिक्षक मन के विधिवत काउंसलिंग के माध्यम ले नवीन पदस्थापना करे गए हे। उमन कहिन के ए प्रक्रिया के अंतर्गत अचानकमार टाइगर रिज़र्व जइसे वनांचल क्षेत्र मन के स्कूल मन म घलोक शिक्षक मन के पदस्थापना सुनिश्चित होए हे, जेखर से ए क्षेत्र मन के पढ़ईया लईका मन ल घलोक गुणवत्तापूर्ण शिक्षा के लाभ मिलही।
जिला प्रशासन के ये पहल सिरिफ शिक्षक मन पदस्थापना तक सीमित नइ हे, बल्कि ग्रामीण अउ सुदूर अंचल मन म शिक्षा के स्तर ल उठाए के दिशा म एक महत्वपूर्ण प्रयास हे। शिक्षक मन के युक्तियुक्तरण ल अभिभावक, जनप्रतिनिधि अऊ शिक्षक मन कोति ले व्यापक रूप ले सराहे जात हे। एखर से विद्यालय मन म अध्ययन-अध्यापन के प्रक्रिया म सुधार होही अऊ लइका मन के शैक्षणिक भविष्य ल मजबूती मिलही।
मुंगेली जिला के 98 एकल शिक्षकीय स्कूल मन म 133 शिक्षक मन के पदस्थापना शिक्षा गुणवत्ता म सुधार के सराहनीय प्रयास
