मुंगेली 21 मई 2020// देश के पूर्व प्रधानमंत्री भारत रत्न स्वर्गीय श्री राजीव गांधी के शहादत दिवस म श्रीमती सोनिया गांधी अउ श्री राहुल गांधी के विशेष उपस्थिति म मुख्यमंत्री श्री भूपेश बघेल ह किसान खातिर राजीव गांधी किसान न्याय योजना के शुभारंभ करिन। श्रीमती सोनिया गांधी अउ श्री राहुल गांधी नई दिल्ली ले वीडियो कांफ्रेसिंग के जरिए शामिल होईन। किसान न्याय योजना के तहत मुंगेली कलेक्टोरेट स्थित स्वान म आयोजित विडियो कांफ्रेसिंग मे धान उत्पादक किसान शामिल होईन।
राज्य सरकार के महत्वाकाक्षी योजना राजीव गाॅधी किसान न्याय योजना के तहत मुख्यमंत्री श्री बघेल ह कम्प्यूटर के एक बटन क्लिक करके मुंगेली जिला के 70 हजार 897 किसान के खाता म घलो पहली किश्त के रूप में 58 करोड़ 22 लाख से अधिक राशि आज डीबीटी के माध्यम ले किसान के खाता में ऑनलाइन अंतरित करिन । एखर पहले मुख्यमंत्री श्री बघेल अउ ऊंखर मंत्री मंडल के सहयोगि मन पूर्व प्रधानमंत्री भारत रत्न श्री राजीव गांधी ल विनम्र श्रद्धांजलि अर्पित करिन अउ सब्बो झन आतंकवाद अउ हिंसा के डटके विरोध करे के शपथ भी लीन। ये अवसर म मुंगेली जिला के जिला पंचायत अध्यक्ष श्रीमति लेखनी सोनू चंद्राकर उपाध्यक्ष, श्री संजीत बनर्जी, मुंगेली नगर पालिका के अध्यक्ष श्री संतू लाल सोनकर, कलेक्टर डाॅ. सर्वेश्वर नरेंद्र भुरे, श्री सागर सिंह बैस, श्री आत्मा सिंह क्षत्रिय, श्री हेमेंद्र गोस्वामी, श्रीमति जागेश्वरी वर्मा सहित आन जनप्रतिनिधि अउ अधिकारीगण मौजूद रहिंन।
मुंगेली ले दिलीप बसंत