मुंगेली, कभू जल संकट ले जूझत गांव मन बर अब मुंगेली जिला एक प्रेरणा बन गए हे। मुख्यमंत्री श्री विष्णुदेव साय के मंशा मुताबिक जिला म मोर गांव मोर पानी अभियान के अंतर्गत जल संरक्षण अउ प्रबंधन बर जेन पहल शुरू करे गीस, वो आज एक जनआंदोलन के रूप ले लेहे हे। गांव वाले मन के भागीदारी, तकनीकी मार्गदर्शन अऊ समर्पित क्रियान्वयन ह ए अभियान ल एक स्थायी विकास मॉडल बना देहे हे।
डिफंक्ट बोरवेल ल मिलीस नवा जीवन
जल प्रबंधन के तहत जिला म 265 अनुपयोगी बोरवेल के पहिचान करे गीस, जेमें ले 203 काम मन ल स्वीकृति मिलीस अऊ 45 काम पूरा हो गे हे। 26 जून के 11 काम पूरा कर लेहे गए हे, जेन अभियान के गति अऊ गंभीरता ल दर्शाथे। मुंगेली ब्लॉक सबले आगू रहिस, जिहां 110 बोरवेल के चिन्हारी करे गीस अऊ एमां ले 32 के काम पूरा हो गए हे।
रिचार्ज पिट ह भूजल ल दीस संबल
भूजल स्तर सुधारे बर अब तक जिला म 276 रिचार्ज पिट के चिन्हारी करे गीस। एमां ले 129 काम पूरा हो गे हे। सबले जादा रिचार्ज पिट लोरमी ब्लॉक म बने हे, जिहां 132 पिट चिन्हारी करे गए हे। ये काम अवइया बछर म भूजल संरक्षण बर मील के पत्थर साबित होही।
मोर गांव मोर पानी ले मुंगेली के बनिस जल संरक्षण बर चिन्हारी
