बडे पैमाने म भेजे गए हे सेम्पल
कलेक्टर ह करिन क्वारेंटाइन सेंटर खैरी के आकस्मिक निरीक्षण
मुंगेली 26 मई 2020// जिला मे कल 25 मई के कोरोना पाॅजिटिव के 30 मामला समाने आय हवय। अखिल भारतीय आयुर्विज्ञान संस्थान (एम्स) रायपुर ह कल देर शाम जिला प्रशासन ल रिपोर्ट दिन। देर रात जांच रिपोर्ट मे 30 श्रमिक मे कोरोना पाॅजीटिव होय के पुष्टि होय म कलेक्टर डाॅ. सर्वेश्वर नरेंद्र भुरे ह संबंधित ग्राम ल सील करके कंटेनमेंट जोन घोषित कर दिये हावयं। कंटेनमेंट जोन म सब्बो दुकान अउ आन वाणिज्यिक प्रतिष्ठान ल आगामी आदेश पर्यन्त तक बंद रखे, कंटेनमेंट जोन मे प्रभारी अधिकारी द्वारा घर पहुॅच सेवा के माध्यम ले आवश्यक वस्तु के आपूर्ति उचित दर म करे , सब्बो प्रकार के वाहन के आवागमन पूर्णतः प्रतिबंधित करे अउ मेडिकल इमरजंसी ल छोड़ आन कोनों भी कारण ले लोगन ल घर से बाहर निकले म प्रतिबंध लगा दिये हें। जिला के विकास खण्ड पथरिया के ग्राम खैरी (ग्राम पंचायत जगतापारा) स्थित क्वारेंटाइन सेंटर म ठहरे संदिग्ध मरीज के जांच रिपोर्ट पाॅजिटिव पाये जाय के कारण कलेक्टर अउ जिलादंडाधिकारी डाॅ. भुरे आज बिहनिया ग्राम खैरी के भम्रण करिन अउ कोरोना वायरस के संक्रमण के फैलाव ल दृष्टिगत रखत ग्राम खैरी ल सील करे के निर्देश दिन अउ तीन किलो मीटर क्षेत्र की परिधि पूर्व दिशा मे गोइन्द्री, टेगनागढ़, पश्चिम दिशा मे जगतापारा, उत्तर दिशा मे डांडगांव , दक्षिण मे कपुवा को कंटेनमेंट जोन घोषित करिन ।
कलेक्टर डाॅ. भुरे ह कहिन् हें कि वर्तमान मेे वैश्विक स्तर पर फैले कोरोना वायरस के संक्रमण के रोकथाम बर लगातार प्रयास करे जावत हे। जिला मे बडे पैमाने म संदिग्ध मरीज के सेम्पल जांच बर भेजे गे हे। ऐसन स्थिति मे जांच रिपोर्ट अहि। कल 25 मई के क्वारेेंटाइन सेेेंटर मे ठहरे 30 श्रमिक के जांच रिपोर्ट पाॅजिटिव आइस । जांच रिपोर्ट मे पाॅजिटिव आय ल आम लोगन ल घबराय के जरूरत नही हे। बल्कि सतर्क रहे के आवश्यकता हवय। ओमन फिजिकल डिस्टेंस के कड़ाई ले पालन करे, सब्बो लोगन ल मास्क लगाय, कोनो भी दशा मे एक दूसर से ज्यादा संपर्क मे न रहैक, सुरक्षा मानक के पालन करत अनावश्यक रूप से घर ले नई निकले अउ लाॅकडाउन के पालन करे के अपील करे हवय।
मुंगेली ले दिलीप बसंत