कलेक्टर ह आज भरी दोपहरी में नगर पालिका परिसर वार्ड 20 के पार्षद के घर ले पड़ाव चौक तक पैदल चलके स्थिति के लिन जायजा
पेंडाराकापा के सीमा सील
पड़ाव चौक ले सुरेठा चौक तक के क्षेत्र कंटेनमेंट जोन घोषित
मुंगेली 24 मई 2020// मुंगेली जिला म कल देर रात कोरोना वायरस संक्रमण के अउ 9 मामला के पुष्टि होय हे। उत्तर प्रदेश के लखनऊ ले आके नगर पालिका मुंगेली के महाराणा प्रताप वार्ड क्रमांक 20 के सरस्वती शिशु मंदिर मुंगेली म क्वारेंटाइन 9 प्रवासी श्रमिक मे कोरोना पाॅजीटिव पाय गिस। एमे नगर पालिका क्षेत्र महाराणा प्रताप के वार्ड नंबर 20 पेंडारा कापा के 5 , विकास खण्ड मुंगेली के ग्राम सम्बलपुर के 3 अउ ग्राम चातरखार के 1 श्रमिक शामिल हावयं। एला मिलाके मुंगेली म अब तक 12 मामला के पुष्टि करे गे हे। अखिल भारतीय आयुर्विज्ञान संस्थान (एम्स) रायपुर ह कल देर शाम जिला प्रशासन के आशय के रिपोर्ट करे हवय। देर रात जांच रिपोर्ट म 9 प्रवासी श्रमिक म कोरोना पाॅजीटिव होय की पुष्टि होय ले व्यवस्था बनाय रखे बर कलेक्टर डाॅ. सर्वेश्वर नरेंद्र भुरे आज भरी दोपहरी में नगर पालिका परिसर वार्ड क्रमांक 20 के पार्षद के घर ले पड़ाव चैक तक पैदल चलके स्थिति के जायजा लिन अउ पेंडाराकापा क्षेत्र के सीमा ल सील करे अउ पेंडाराकापा के दिलीप के घर ले गोलू किराना दुकान होत फिल्टर प्लांट तक के क्षेत्र कल सेनेटाइज करे के निर्देश दिये हें । ये बखत जिला पंचायत के मुख्यकार्य पालन अधिकारी श्रीमति नुपूर राशि पन्ना, मुंगेली अनुभाग के अनुविभागीय अधिकारी राजस्व श्री चित्रकांत चार्ली ठाकुर , मुंगेली विकास खण्ड के एस.डी.ओ.पी. , मुख्य नगर पालिका अधिकारी श्री राजेंद्र पात्रे सहित स्वास्थ्य अउ राजस्व विभाग के अधिकारी मौजूद रहिंन। ओमन नगर पालिका मुंगेली के पड़ाव चैक ले सुरेठा चैक तक के क्षेत्र ल कंटेनमेंट जोन घोषित करे के निर्देश दिन। कंटेनमेंट जोन म सब्बो दुकान अउ आन वाणिज्यिक प्रतिष्ठान ल आगामी आदेश पर्यन्त तक बंद रही ।
मुंगेली ले दिलीप बसंत
