घायल मन ल 50-50 हजार रूपया के सहायता राशि
मुंगेली 19 मई 2020// प्रदेश के मुख्यमंत्री श्री भूपेश बघेल ह महाराष्ट्र के यवतमाल जिला म आज होय सड़क हादसा म छत्तीसगढ़ के मुंगेली जिला के विकास खण्ड पथरिया के ग्राम पथरगढ़ी के श्रीमति सुनीता शिवा साहू अउ श्री शशिलता संतोष यादव के आकस्मिक मृत्यु होय ले गहरा दुःख व्यक्त करे हांवय। ओमन सड़क दुर्घटना म मृतक श्रमिक के परिजन ल 4-4 लाख रूपया के राशि देय के घोषणा करे हें। अउ सड़क हादसा मे घायल पथरिया विकासखण्ड के ग्राम गोंदरी के श्री संतोष मंडल यादव, श्रीमति सुनीता साहू, श्री धानु साहू, पथरगढ़ी के श्री हिमेश यादव, ग्राम बलौदी के श्री तुलसी राम साहू , ग्राम बेगमपुर के श्री चन्द्रदीप सिंह ल 50-50 हजार रूपया सहायता राशि देय के घोषणा करे हावयं। मुख्यमंत्री श्री बघेल ह सड़क दुर्घटना म घायल श्रमिक के बेहतर उपचार बर जिला प्रशासन यवतमाल के अधिकारि ल निर्देश दिये हें। मुंगेली जिला के कलेक्टर डाॅ. सर्वेश्वर नरेंद्र भुरे ह घलो मृतक के प्रति गहरा दुःख व्यक्त करिन । आपमनला जानकारी होवय कि ये मजदूर मुंगेली जिला के रहैया रहिंन, जो महाराष्ट्र यवतमाल ले बस द्वारा छत्तीसगढ़ लौटत रहीन हें।
मुंगेली ले दिलीप बसंत
