मुंगेली 01 मई 2020// सिविल सर्जन सह मुख्य अस्पताल अधीक्षक ह बताइन कि कोरोनाकाल म जेहां पुरा जनता लाॅकडाउन के नियम सख्ती से पालन करत हवें। कोरोना के डर ले लोगनमन घर से बाहर नई निकलत हे, अस्पताल अइसन जगह म कोरोना के संक्रमण के सबले ज्यादा खतरा रइथे। तबले सब्बो डाॅक्टर अउ अस्पताल के कर्मचारीमन अपन जान के फिकर करे बिना मरीज के सेवा म ईमानदारी ले लगे हावयं।
एही बीच 30 अप्रैल 2020 के रात 07ः50 बजे चिकित्सक के टीम जेमा डाॅ. रश्मि भुरे (एनेस्थेटिक), डाॅ. प्रियंका जांगडे (स्त्री रोग विशेषज्ञ) अउ सब्बो ओ.टी. स्टाॅफ के द्वारा मुंगेली के रहैया सवाना साहू उमर 38 बरष दर्द ले कराहत गर्भवती महिला जेखर गर्भ म जुड़वा लइका के स्थिति उल्टा रहिस हे अउ ऊपर ले गर्भवती महिला म खुन के जादा कमी रहिस हे। फिर भी डाक्टर द्वारा जिला अस्पताल के बलड बैंक ले खून के तत्काल व्यवस्था करत सफलता पूर्वक आपरेशन के माध्यम ले जुड़वा लइका अउ ऊंखर महतारी दोनो के जान के रक्षा करिन। जेखर ले ऊंखर परिवार के मनखे म अति ख़ुशी के महौल हो गे हे। अब मनखे मनके सरकारी अस्पताल अउ उहें के डॉक्टर मन के प्रति विस्वास बाढे लगिस।
