मुंगेली 08 मई 2020// कलेक्टर डाॅ. सर्वेश्वर नरेंद्र भुरे के मार्ग निर्देशन म आन राज से आय मनखे या श्रमिक खातिर जिला म 176 क्वारेंटाइन सेंटर बनाय गे हे। क्वारेंटाइन सेंटर म – हाॅटल कस्तुरी, हाॅटल सिंह इंटरनेशनल अउ शासकीय स्कूल, आंगनबाडी केंद्र, मगल भवन, पंचायत भवन, सामुदायिक भवन, छात्रावास सहित दूसर शासकीय परिसर ल चुने गे हे। जेन क्वारेंटाइन सेंटर म आन राज ले अवइया मनखे या श्रमिके बर जरुरी व्यवस्था करे गे हवय।
कलेक्टर द्वारा जारी दिशा निर्देश म कहे गे हे कि क्वारेंटाईन सेंटर के निगरानी बर स्थानीय परिस्थिति अनुसार गांव के स्व-सहायता समूह, युवा समिति, रामायण भजन मंडली अउ कोविड-19 बर गठित निगरानी समिति, दूसर स्थानीय समिति के सहयोग लेवयं। क्वारेंटाईन सेंटर म कोनो ल सर्दी-बुखार या कोनो आन लक्षण दिखही त ओला यथासंभव ओही परिसर के पृथक कमरा म रहे के व्यवस्था करे जाय।
क्वारनटाईन सेेंटर म महिला बर नहाय धोय के व्यवस्था सामाजिक मर्यादा म बांस, बोरा ले उपयोग करके स्नानगृह पहले ले तैयार कर लिये जाये, साथ मे परिसर के शौचलय,आवश्यकता अनुसार पानी, बिजली, पंखा, मास्क, सेनेटाईजर, साबुन, दोना पत्तल रखे जाय।ऊंखर पास रांधे खाय के व्यवस्था नई होय ले समय म बनवा के खिलाय जाय।
मुंगेली ले दिलीप बसंत
