मुंगेली जिला म 84 हजार से जादा लइका, गर्भवती अउ शिशुवती महिलामन ल घर-घर जाके दिहिं स्वास्थ्यप्रद रेडी-टू-ईट फूड

कम खून वाले एनिमिक महिलामन ल देवत हें सूखा राशन

मुंगेली 07 अप्रैल// कलेक्टर एवं जिला दण्डाधिकारी डाॅ. सर्वेश्वर नरेन्द्र भुरे के आदेश म नोवेल कोरोना वायरस (कोविड-19) के संक्रमण से बचाव बर जिला के सब्बो आंगनबाड़ी केंद्र म पंजीकृत 84 हजार 31 हितग्राहि के घर घर जाके रेडी-टू-ईट पोषण आहार ल बांटत् हें। अइसने लॉकडाउन के नियम ल पालन करत सब्बो आंगनबाड़ी कार्यकर्ता दिदिमन 2 हजार 18 एनीमिया पीड़ित महिला मनला ओखर घर जाके सूखा राशन बांटे गिस। अउ साथ म आंगनबाड़ी कार्यकर्ता द्वारा हितग्राहि के परिवार के जम्मो सदस्य ल अपन घर म रहेके, कोरोना वायरस ले बचे बर सोशल डिस्टेंसिंग के नियम ला पालन करे, अउ हाथ ल साबुन से बार बार धोय बर घलो प्रेरित करे जात हावय।


महिला एवं बाल विकास विभाग के जिला कार्यक्रम अधिकारी श्री राजेन्द्र कश्यप ह बताइन कि वर्तमान परिस्थिति म पूरा देश नोवल कोरोना वायरस (कोविड-19) संक्रमण से लड़त हे। ये परिस्थिति म मुंगेली जिला के आंगनबाड़ी कार्यकर्ता, सहायिका अउ महिला स्वसहायता समूह द्वारा 84 हजार 31 लइका, गर्भवती अउ शिशुवती माता ल घर जाके स्वास्थ्यप्रद रेडी-टू-ईट फूड के वितरण करे गिस हे। मुख्यमंत्री सुपोषण अभियान अंतर्गत जिला के 20 पंचायत के 81 आंगनबाड़ी केन्द्र म 6 माह से 5 वर्ष तक के कुपोषित लइका ल पौष्टिकता युक्त आहार दिये जावत हे अउ स्वेच्छिक दान मद से 2 हजार 18 एनीमिया पीड़ित महिला मन ल 21 दिन के सूखा राशन वितरित करे जात हे।

मुंगेली ले गुरतुरगोठ बर दिलीप बसंत

लउछरहा..