दुर्ग, 24 जुलाई 2020। छत्तीसगढ़ राज्य निर्वाचन आयोग के निर्देश के मुताबिक कलेक्टर अउ जिला निर्वाचन अधिकारी डॉ. सर्वेश्वर भुरे ह जिला के दू नगरीय निकाय, नवगठित नगरपालिक निगम रिसाली अऊ नगरपालिक निगम भिलाई के आगामी निर्वाचन बर रजिस्ट्रीकरण अधिकारी, सहायक रजिस्ट्रीकरण अधिकारी अऊ अपीलीय अधिकारी नियुक्त करे हे। नगरपालिक निगम भिलाई बर एसडीएम दुर्ग ल रजिस्ट्रीकरण अधिकारी नियुक्त करे गए हे। उहें श्रीमती पार्वती पटेल तहसीलदार दुर्ग ल वार्ड 1 ले 18, श्री योगेंद्र वर्मा नायाब तहसीलदार भिलाई नगर ल वार्ड 19 ले 35, श्री सत्येंद्र शुक्ला नायब तहसीलदार दुर्ग ल वार्ड 36 ले 53 अऊ श्रीमती दुर्गा साहू नायब तहसीलदार दुर्ग ल वार्ड 54 ले 70 बर सहायक रजिस्ट्रीकरण अधिकारी नियुक्त करे गए हे। नगर पालिक निगम भिलाई बर श्री बीरेंद्र बहादुर पंचभाई अपर कलेक्टर दुर्ग ल अपीलीय अधिकारी नियुक्त करे गए हे।
अइसनहे नगर पालिक निगम रिसाली बर रजिस्ट्रीकरण अधिकारी एसडीएम दुर्ग ही होही। उहें श्री उमेश कुमार साहू अपर तहसीलदार दुर्ग वार्ड 1 ले 20 अऊ श्री जयंत बघेल नायब तहसीलदार दुर्ग वार्ड 21 ले 40 बर सहायक रजिस्ट्रीकरण अधिकारी के रूप म काम करहीं। रिसाली बर श्री प्रकाश कुमार सर्वे अपर कलेक्टर दुर्ग ल अपीलीय अधिकारी नियुक्त करे गए हे।
