बीजापुर, 3 दिसम्बर 2020। बीजापुर जिला के गंगालूर थाना क्षेत्र के कमकानार म दु ग्रामीण मन के नक्सली मन ह मुखबिरी के आरोप लगा के हत्या करे के मामला आगु आय हे। क्षेत्र म लगातार नक्सली मन ह मुखबिरी के आरोप लगा के हत्या करे के सिलसिला जारी हे। मिले जानकारी के अनुसार बुधवार के रात कमकानार के हपकापारा अऊ गायतापारा ले सन्नू उइका अऊ सुनील बोड्डू के नक्सली मन ह अपहरण कर लिस अऊ रात म ही मुखबिरी के आरोप लगात हुए निर्मम हत्या करके दुनों युवक मन के शव ल गांव के पास ही फेंक दिस। एखर दु दिन पहली घलो नक्सली मन ह गोंगला के एक ग्रामीण के ऊपर भी मुखबिरी के आरोप लगा के हत्या कर देहे रिहिस। अब तक ये घटना के आधिकारिक पुष्टि नई हो पाय हे।
गुरतुर गोठ बर- भीषम वर्मा