घर म सोय बुजुर्ग के हत्या, अज्ञात हत्यारा मन ह पिछु रात उतारिस मउत के घाट

जगदलपुर,13 सितंबर 2020। जिला के नगरनार थाना क्षेत्र के माड़पाल म शुक्रवार के रात अज्ञात हत्यारा मन ह घर म घुस के एक बुजुर्ग के हत्या कर दीस। पुलिस ह मामला दर्ज करत हुए आरोपी के पतासाजी म जुट गेहे। नगरनार टीआई शिवशंकर गेंदले ह बतइस कि माड़पाल निवासी हरिलाल दास के घर म शुक्रवार के रात 7 बजे कुछ अज्ञात लोगन बैल खोजे के बहाना पंहुच के ओ लोगन मन ह हरिलाल के मुड़ म लकड़ी के बत्ता ले हमला कर दीस, ये हमला म हरिलाल के मउका म ही मउत होगे। घटना ल अंजाम देहे के बाद सबो आरोपी फरार होगे। पुलिस ह रात म ही बुजुर्ग के शव ल पीएम बर मेकॉज भिजवा दीस, पीएम के बाद म शव ल परिजन मन ल सौंप दीन हे। पुलिस अपराध पंजीबद्ध करत हुए हत्या के अज्ञात आरोपी के तलाश करत हे।