बीजापुर, 10 नवम्बर 2020। जिला म चलाय जावत माओवादी विरोधी अभियान के तहत् थाना गंगालूर क्षेत्रान्तर्गत पदेड़ा, कमकानार के डाहर सर्चिंग बर पुलिस टीम निकले रिहिस। सर्चिंग अभियान के दौरान कमकानार ले माओवादी सुखराम पुलसुम उम्र 33 वर्ष निवासी कमकानार थाना गंगालूर ल पकड़े गीस। ये नक्सली 15 अगस्त 2006 म कमकानार के ग्रामीण लिंगा के घर ले धान, कपड़ा, बर्तन मवेशी अउ नगदी रकम लूट के ले जाय म शामिल रिहिस। 28 अगस्त 2007 के गायतापारा म हेमला लच्छु ल टंगिया ले मार के हत्या करे म शामिल रिहिस। 11 सितंबर 2007 को गायतापारा निवासी हेमला बदरू के धारदार हथियार ले हत्या करे म शामिल अउ 19 अप्रैल 2008 को ग्राम गायता पारा के हेमला सन्नू के सलवा जुडुम ले जुड़े होय के नाम म हत्या करे म शामिल रिहिस। एखर अतिरिक्त गिरफ्तार माओवादी के विरूद्ध थाना म 5 स्थाई वारंट लंबित रिहिस। पकड़े गे माओवादी के विरूद्ध थाना गंगालूर म कार्यवाही के बाद मुख्य न्यायिक मजिस्ट्रेट के न्यायालय बीजापुर म पेश करे गेहे।
गुरतुर गोठ बर- भीषम वर्मा