मुर्गी, बतख पालन अउ किराना दुकान संचालित करके समूह के महिला मन करत हे जीविकोर्पाजन

महासमुन्द, 16 फरवरी 2021। छत्तीसगढ़ राज्य ग्रामीण आजीविका मिशन ’’बिहान’’ अंतर्गत विकासखण्ड सरायपाली के गोठान ग्राम पंचायत पाटसेन्द्री के जय मॉ लक्ष्मी स्व सहायता समूह के 10 महिला मन किराना दुकान अऊ मुर्गी बतख पालन करके आजीविका गतिविधि के काम करत हें। ए महिला मन समूह के गठन 05 जनवरी 2020 को करे गए रहिस। महिला मन के ये सूझ-बुझ अऊ लगन ले उंखर आर्थिक स्थिति सशक्त होवत हे। ए महिला समूह कोति ले किराना दुकान संचालित करके आजीविका के आन साधन अपनाए जात हे। जेखर से गांव के मनखे मन ल गांव के बाहिर जाके सामान खरीदे के जरूरत नइ परय। गांव वाले मन ल इंकर दुकान ले दैनिक जरूरत के सामगी मन दुकान के माध्यम ले मिल जाथे। एखर से दैनिक उपयोग होवइया सबो सामान गांव म उपलब्‍ध कराए ले समूह के दीदी मन ल बनेच आमदनी होवत हे।
एखर अलावा समूह के महिला मन मुर्गी अउर बत्तख के पालन तको करत हें। जऊन ल येमन बेचके बने आमदनी कमावत हें। घर बइठे मुर्गी अउ बत्तख के बिके ले समूह के महिला मन अड़बड़ खुश हें। जेखर से उंखर आर्थिक स्थिति मजबूत होवत हे। गांवे म घर बइठे ओ मन ल आजीविका के साधन मिले ले समूह के महिला मन आर्थिक रूप ले स्वावलंबी बनत हें। स्व सहायता समूह के महिला मन ल समय-समय म आजीविका संबंधित काम मन के जानकारी संबंधित क्षेत्र के एडीईओ पीआरपी अउ एफएलसीआरपी के माध्यम ले देहे जात हे।