रायपुर, मुख्यमंत्री श्री विष्णुदेव साय ह कहिन के विश्व प्रसिद्ध बस्तर दशहरा पर्व हमर आस्था अऊ परम्परा के सबले महत्वपूर्ण परब ये, जेन लम्बा समय तक मनाए जाथे। बस्तर दशहरा पर्व ल बस्तर अंचल के सबो मनखे पूरा श्रद्धा-आस्था के संग मनाथें अऊ ये मां सक्रिय सहभागिता निभाथें। उहें ऐतिहासिक बस्तर दशहरा अब देश-दुनिया के मनखे मन ल अपन कोति आकर्षित करके वैश्विक स्तर म प्रसिद्ध हो गए हे, जेखर से अब पर्यटक मन के संख्या म बढ़ोतरी के संग स्थानीय मनखे मन के आय ल संबल मिले हे। मां दंतेश्वरी के आशीर्वाद ले बस्तरवासी मन के अगाध श्रद्धा अऊ सबो मनखे मन के सहयोग ले ए साल घलोक बस्तर दशहरा के भव्य अउ सफल आयोजन होय हे। मुख्यमंत्री श्री विष्णुदेव साय ह ये बात आज जगदलपुर के सिरहासार भवन म विश्वप्रसिद्ध बस्तर दशहरा पर्व के अवसर म आयोजित मुरिया दरबार ल सम्बोधित करत व्यक्त करिन। उमन ए अवसर म माडिया सराय म विकास काम बर 50 लाख रुपए देहे के घोषणा करिन। मुख्यमंत्री ह मांझी-चालकी अऊ मेम्बर-मेंबरीन के मानदेय म बढ़ोतरी बर जिला प्रशासन अऊ बस्तर दशहरा समिति ले प्रस्ताव प्रस्तुत करे के निर्देश तको दीन।
मुरिया दरबार म जनप्रतिनिधि मन के संग माटी पुजारी अऊ मांझी-चालकी, मेम्बर-मेम्बरीन अउ गणमान्य नागरिक होइन सामिल
