उत्तर बस्तर कांकेर: मेरी कहानी मेरी जुबानी – बिहान योजना ले ममता ल मिलीस रोजगार

उत्तर बस्तर कांकेर, 04 जनवरी 2024। जिला के नरहरपुर विकासखंड अंतर्गत ग्राम पंचायत मावलीपारा म विकसित भारत संकल्प यात्रा के तहत आयोजित कार्यक्रम म ‘मेरी कहानी मेरी जुबानी’ के संग राष्ट्रीय ग्रामीण आजीविका मिशन ले लाभान्वित होवइया ग्रामीण महिला मन ह अपन बात रखिन इही मन ले एक मावलीपारा गांव के निवासी श्रीमती ममता साहू ह बताइस कि वो ह जय मां लक्ष्मी महिला स्वसहायता समूह ले जुड़े हे, तब ले वोखर जीवन म काफी बदलाव आए हे। संगेच बिहान योजना अंतर्गत जीविकोपार्जन के साधन मिले ले आत्मनिर्भर होके अपन अउ अपन परिवार के पालन-पोषण म सहयोग करे म सक्षम हो गए हे। श्रीमती साहू ह बताइस कि बिहान योजना के अंतर्गत वो ह खुद के रोजगार शुरू करे बर 1 प्रतिशत के ब्याज दर म करीबन 1 लाख रूपिया के करजा लीस। ये करजा के राशि ले वो  कपड़ा के दुकान शुरू करिस। वो ह बताइस कि कपड़ा के व्यवसाय ले ओ ल करीबन 6 हजार रूपिया प्रति महिना के आमदनी होवत हे। ये राशि ले वोखर परिवार के खरचा म काफी राहत मिलीस अऊ लइका मन के पढ़ाई म घलोक मदद मिलत हे। श्रीमती ममता ह कहिस कि ये योजना ले समूह के आन महिला मन घलोक लाभान्वित होए हे अऊ खुद के रोजगार शुरू कर घर चलाय म परिवार के मदद करत हे। वो ह राष्ट्रीय ग्रामीण आजीविका मिशन अऊ प्रधानमंत्री श्री नरेन्द्र मोदी के प्रति आभार प्रकट करत कहिस कि ये योजना के लाभ उठाके कई ग्रामीण महिला मन आर्थिक रूप ले आत्मनिर्भर अउ सशक्त होवत हे।