ग्रेजुएट्स मन के नाबार्ड म होवत हे भर्ती, बिना शुल्क के जल्दी करव आवेदन

दिल्‍ली, 03 फरवरी 2020। कहूं आप मन ग्रेजुएट्स हव अऊ सरकारी नौकरी खोजत हव त आप मन बर खुशखबरी हे। सरकारी संस्‍था नाबार्ड ह एक सुग्‍घर मौका देवत हे, जेमां नाबार्ड कंसल्टेंसी सर्विसेस (Nabard Consultancy Services) जऊन ल नाब्कोंस के नाम ले घलोक जाने जाथे। ओ ह कई पद मन के भर्ती बर विज्ञापन निकाले हे। जेखर ऑफिशियल नोटिफिकेशन घलोक जारी हो गए हे। कनिष्ठ सलाहकार अउ वरिष्ठ सलाहकार के कुल 78 पद बर विज्ञापन 25 फरवरी को निकले हे। आवेदन के आखरी तारीक 10 मार्च, 2020 हे। 10 तारीक के बाद करे गे सबो आवेदन खारिज कर दिए जाही। एकर बर आयु सीमा 24 ले 50 साल तक होना चाही। शैक्षिक योग्यता कोनो मान्यता प्राप्त संस्थान ले ग्रेजुएशन या फेर एमबीए के डिग्री होना अनिवार्य हे।
चयन प्रक्रिया इंटरव्यू प्रदर्शन के आधार म करे जाही। चुने गे उम्मीदवार के मासिक वेतन 30,000 ले 70,000 हजार रूपिया निरधारित करे गए हे। इच्छुक उम्मीदवार ऑनलाइन आवेदन कर सकत हें, एकर बर कोनो आवेदन शुल्क नइ ले जाय। जादा जानकारी बर आप मन ये कड़ी म http://www.nabcons.com/ किलिक करके जानकारी प्राप्त कर सकत हव।