नाचा ल मिलिस ‘ग्लोबल कम्युनिटी ऑस्कर अवार्ड ’ऑर्गनाइज़ेशन ऑफ़ द ईयर‘ : मुख्यमंत्री दाउ बघेल ह दीन बधई

रइपुर, 31 अगस्त 2021 मंगल। उत्तरी अमेरिका छत्तीसगढ़ एसोसिएशन (नाचा) ल अमेरिका म 10 वां वार्षिक ग्लोबल कम्युनिटी ऑस्कर अवार्ड समारोह म ‘ऑर्गनाइज़ेशन ऑफ़ द ईयर’ ले सम्मानित करे गे हवय। गया है। ये कार्यक्रम 28 अगस्त के शिकागो म कईयो ठिन वैश्विक समुदाय के नेता अउ यूएसए राजनेता मन के आगू म आयोजित करे गइस। मुख्यमंत्री दाउ भूपेश बघेल ह ग्लोबल कम्यूनिटी ऑस्कर अवार्ड ले सम्मानित करे म नाचा के जम्मो सदस्य मन ल बधई देवत कहीन कि छत्तीसगढ़ पोठहा संस्कृति अउ लोक परम्परा मन ले रचे-बसे प्रदेश हवय, जेकर खूबी मन देश-दुनिया तक पहुंचाना हर छत्तीसगढ़िया के गौरव हरे। नाचा विश्व म छत्तीसगढ़ के सांस्कृतिक वाहक बनत हावय, ये ह छत्तीसगढ़ बर बड़ खुशी के बात हरे।
अमेरिका के बड़का सांसद (हाउस ऑफ़ रिप्रेंज़ेटेटिव्स) डैनी डेविस ह अंतर्राष्ट्रीय संगठन अमेरिकन मल्टी एथनिक कोएलिशन अउ मल्टी एथनिक अमेरिकन टास्क फोर्स संग सामुदायिक वैश्विक पुरस्कार मन ल प्रायोजित करीन। छत्तीसगढ़ी एनआरआई एसोसिएशन ऑफ द ईयर के तेज विकास ल देखत ओकर चयन करे गइस। भारत ले बाहिर छत्तीसगढ़ विरासत अउ संस्कृति ल बढ़ावा देहे बर नाचा के शुरुआत 2017 म शिकागो म होए ​रिहिसे, अउ अब येह अंतरराष्ट्रीय ब्रांड हवय। एकर ले छत्तीसगढ़ के अंतर्राष्ट्रीय पहचान बनही अउ राज्य म निवेशक अउ पर्यटक मन ल तीरे म तको मदद मिलही।
नाचा के शिकागो कार्यकारी अध्यक्ष सुश्री दीपाली सरावगी, उपाध्यक्ष सुश्री सोनू जोशी अउ सुश्री वंदना दडसेना, कोषाध्यक्ष सुश्री रागिनी साहू, संयुक्त सचिव सुश्री शशि साहू, सांस्कृतिक प्रमुख सुश्री खुशबू बंसल, सलाहकार अउ कार्यकारी श्री अभिजीत जोशी, श्री मुनीश कैस्थ, श्री शंकर फतवानी, सुश्री गीता खेतपाल श्री ब्रजेश साहू श्री प्रशांत गुप्ता, अउ नाचा के कार्यकारी उपाध्यक्ष श्री तिजेंद्र साहू ह वरिष्ठ राजनेता श्री डैनी के डेविस अउ एमेक्स लीडरशिप ले ये पुरस्कार पाइन।