बलौदाबाजार, 12 सितमबर 2024। राजस्व मंत्री श्री टंकराम वर्मा अउ रायपुर सांसद श्री बृजमोहन अग्रवाल ह बुधवार के बलौदाबाजार जिला मुख्यालय स्थित नगर भवन म आयोजित भूमिपूजन अउ लोकार्पण कार्यक्रम म सामिल होइन। ए अवसर म उमन 10 करोड़ 34 हजार रूपिया लागत के विकास काम मन क़े भूमिपूजन अउ लोकार्पण करिन। ये मां नगर पालिका परिषद बलौदाबाजार म 7 करोड़ 3 लाख 98 हजार रूपिया के कई ठन निर्माण काम मन के भूमिपूजन अउ 2 करोड़ 96 लाख 36 हजार रूपिया के निर्माण काम मन के लोकार्पण सामिल हे। कार्यक्रम म राष्ट्रीय शहरी आजीविका मिशन अंतर्गत स्व-सहायता समूह के महिला मन ल पंजीयन प्रमाण पत्र अउ प्रधानमंत्री स्व-निधि योजना के तहत 50 हजार रूपिया के चेक तको बांटे गीस। सांसद श्री अग्रवाल ह नगर पालिका परिषद के अध्यक्ष श्री चित्तावर जायसवाल के मांग म लगभग एक करोड़ 26 लाख रूपिया के कई ठन निर्माण कार्य मन के स्वीकृति प्रदान करिन।
कार्यक्रम ल सम्बोधित करत मंत्री श्री वर्मा ह कहिन कि नगरपालिका ल सुंदर, स्वच्छ बनाए म हम सबके भागीदारी होना चाही। आपसी भाई-चारा के संग खेलकूद अउ सांस्कृतिक गतिविधि मन बर घलोक सामूहिक जिम्मेदारी लेना होही। निर्माण सम्बन्धी विकास कार्य के संग सांस्कृतिक विकास म घलोक ध्यान देना होही।