नगर पालिका जांजगीर-नैला के अध्यक्ष, उपाध्यक्ष के पदभार ग्रहण समारोह
जांजगीर, छत्तीसगढ़ विधानसभा के अध्यक्ष डॉ. चरण दास महंत ह जिला के सबो नगरीय निकाय मन के अध्यक्ष, उपाध्यक्ष अऊ पार्षद मन ल कहिन कि ओ मन पद ग्रहण करे के बाद विकास कार्य के संगें-संग आम जनता के समस्या अउ उंखर मांग ल पूरा करे बर पूरा ईमानदारी अऊ निष्ठा ले काम करव ताकि अवइया समय म आम जनता के पूरा सहयोग मिल सकय।
ओ मन आज जांजगीर के हाईस्कूल मैदान म नगर पालिका जांजगीर-नैला के अध्यक्ष श्री भगवान दास गढ़ेवाल अऊ उपाध्यक्ष श्री आशुतोष गोस्वामी के पदभार ग्रहण समारोह ल संबोधित करत रहिन। ये बेरा म राजस्व अउर आपदा प्रबंधन मंत्री श्री जयसिंह अग्रवाल, उच्च शिक्षा, तकनीकी शिक्षा, रोजगार, कौशल विकास, विज्ञान प्रौद्योगिकी, खेल अउर युवा कल्याण मंत्री श्री उमेश पटेल, विधायक श्री मोहन मरकाम, पूर्व विधायक श्री मोतीलाल देवांगन, सुश्री शशिकांता राठौर संग पार्टी पदाधिकारी उपस्थित रहिन।अउ ये बेरा म जिला पंचायत अध्यक्ष श्री नंदकिशोर हरबंश, पूर्व विधायक द्वय श्री मोतीलाल देवांगन, श्री चुन्नीलाल साहू, कलेक्टर श्री जनक प्रसाद पाठक, पुलिस अधीक्षक श्रीमती पारूल माथुर, जिला पंचायत से.ई.ओ. श्री तीर्थराज अग्रवाल, श्री रघुराज पाण्डेय, सुश्री शशिकांता राठौर, सुश्री रश्मि गबेल, श्री दिनेश शर्मा, श्री रवि पाण्डेय, श्री रविशेखर भारद्वाज, पार्षदगण, गणमान्य नागरिक, पत्रकारगण अऊ बड़ी संख्या म शहरवासी उपस्थित रहिन।
