नगर पंचायत लोरमी अब बनही नगर पालिका, खुड़िया ल पर्यटक स्थल के रूप म करे जाही विकसित

मुख्यमंत्री श्री भूपेश बघेल ह लोरमी विधानसभा के ग्राम खुड़िया म भेंट-मुलाकात के बेरा करिस अबड़ कन घोषणा
रायपुर, नगर पंचायत लोरमी ल नगर पालिका बनाए जाही। खुड़िया राजस्व ग्राम बनही, खुड़िया ल पर्यटन स्थल के रूप म विकसित करे जाही अउ इहां रिसॉर्ट बनाए जाही। ग्राम गोड़खाम्ही नगर पंचायत अउ डिंडोरी ल उप-तहसील बनाए जाही। मुख्यमंत्री श्री भूपेश बघेल ह आज लोरमी विधानसभा म भेंट-मुलाकात कार्यक्रम के बेरा मुंगेली जिला के ग्राम खुड़िया म ए सब घोषणा ल करिस। मुख्यमंत्री ह इस मउका म 13 करोड़ 71 लाख रूपिया के विकास कार्य के लोकार्पण अउ भूमिपूजन करिस। एमा 1 करोड़ 20 लाख रूपिया के लोकार्पण कार्य अउ 12 करोड़ 51 लाख रूपिया के भूमिपूजन हवय।
मुख्यमंत्री के लोरमी विधानसभा के घोषणा
ए मौका म डिंडोरी ले नवागांव दयाली मार्ग के निर्माण करे के घोषणा मुख्यमंत्री ह करिस। ओ ह लोरमी नगर पंचायत म इंडोर स्टेडियम बनाए ब 01 करोड रूपिया देहे, नौरंगपुर व नवरंगपुर म 33/11 के.वी. विद्युत सब-स्टेशन के स्थापना करे के घोषणा करिस। संग ही लोरमी के 05 विस्थापित वन ग्राम बांकल, बोरकछार, सामरथसान, न्यू बहाउड़ अउ न्यू जल्दा के विकास ब 20-20 लाख दिए, लोरमी नगर उद्यान विकसित करे ब 01 करोड़ रूपिया देहे अउ दस देवगुड़ी के उन्नयन ब 50 लाख रूपिया स्वीकृत करे के घोषणा करिस। ओ ह कहिस कि सामुदायिक स्वास्थ्य केंद्र लोरमी म ब्लड बैंक के स्थापना करे जाही। एटीआर क्षेत्र म मोबाइल टॉवर लगाए के मुहिम प्रारंभ करे जाही। श्री बघेल ह ग्राम पंचायत रखेली म गनियारी नदी म पुल निर्माण कराए के घोषणा घलो करिस।