- मुख्यमंत्री ह रेन वॉटर हार्वेस्टिंग म एक दिवसीय कार्यशाला ल सम्बोधित करिस
- स्वच्छता दीदी मन के मानदेय बढ़ाइस, नगर पालिका-पंचायत अध्यक्ष मन ल वित्तीय अधिकार, विकास काम मन बर डेढ़ सौ करोड़
रायपुर, मुख्यमंत्री श्री भूपेश बघेल ह आज नगरीय प्रशासन अउ विकास विभाग कोति ले रेन वॉटर हार्वेस्टिंग के विसय म आयोजित कार्यशाला म बड़का घोषणा करत स्वच्छता दीदी मन के मानदेय म वृद्धि के घोषणा करिन। अब तक स्वच्छता दीदी मन ल कुल पांच हजार रूपिया प्रति महिना के मानदेय राशि प्राप्त होत रहिस। अब एला छै हजार रूपिया प्रति महिना करे जाही। एखर से प्रदेश के दस हजार स्वच्छता दीदी मन ल सीधा लाभ मिलही। हम आप ल बता देवन के प्रदेश के 166 नगरीय निकाय मन म दस हजार स्वच्छता दीदी मन के माध्यम ले रोजेच घर घर ले गीला-सूखा कचरा सकेले जात हे। इही दीदी मन के प्रयास के सेती मार्च महीना म राष्ट्रपति श्री रामनाथ कोविंद कोति ले छत्तीसगढ़ राज्य ल पुरस्कृत करे गए रहिस।
एकरे संग मुख्यमंत्री ह आज नगर पालिक अउ पंचायत मन के अध्यक्ष मन ल फेर से वित्तीय अधिकार प्रदत्त करे के घोषणा करिन।
विकास काम मन बर बड़का घोषणा करत मुख्यमंत्री श्री भूपेश बघेल कोति ले हरेक नगर निगम ल आबादी अउ जरूरत के मुताबिक 5 ले दस करोड़ रुपिया, 44 नगर पालिका मन बर एक-एक करोड़ अउ 111 नगर पंचायत मन बर 50-50 लाख रुपिया प्रदान करे के घोषणा करिन।
