रायपुर, 14 अक्टूबर 2020। नगरीय प्रशासन विभाग के सचिव श्रीमती अलमेलमंगई डी. ह आज गोधन न्याय योजना के तहत नगर निगम रायपुर क्षेत्र अंतर्गत गोबर खरीदी केन्द्र मन के उदुपहा जांच करके अधिकारी मन ल जरूरी दिशा-निर्देश दीन। उमन गोबर ले जैविक खाद निर्माण अऊ पैकेजिंग अऊ मार्केटिंग के घलोक जानकारी लीन। जांच के बेरा म श्रीमती अलरमेलमंगई डी. ह डगनिया केन्द्र म गोबर खरीदी बंद पाइस त उमन केन्द्र प्रभारी ल मौका म ही निलंबित कर दीस।
सचिव श्रीमती अलरमेलमंगई डी. ह नगर निगम आयुक्त अऊ मुख्य नगर पालिका अधिकारी मन ल हर हाल म गोबर खरीदी ल बंद नइ करे के निर्देश देहे हें। उमन कहिन के गौठान मन म वर्मी कॉम्पोस्ट अऊ आन चीज मन के निर्माण निरंतर जारी रखे जाय। उमन कहिन के पशुपालक अऊ गोबर विक्रेता मन के पंजीयन घलोक जादा ले जादा करके किसान मन अऊ गरीब मन ल लाभ पहुंचाए के दिशा म काम करे जाए। निरीक्षण के समय नगर निगम के आयुक्त श्री सौरभ कुमार अऊ नगरीय प्रशासन विभाग के अपर संचालक श्री सौमिल चौबे मौजूद रहिन।
