धमतरी 18 अप्रैल 2021 इतवार। कलेक्टर जय प्रकाश मौर्य ह जिलेवासी मन ले कहीन हे कि धमतरी जिला प्रशासन कोविड संक्रमण के रोकथाम अउ बीमार लोगन मन ल स्वास्थ्य लाभ देहे बर मुस्तैदी ले भिड़े हावय। अइसन मामला अबड़ आवत हे, जब कोविड के मरीज अउ उन्कर परिजन जिला मुख्यालय स्थित कोविड केयर अस्पताल या निजी अस्पताल मन म उपचार बर परेशान होवत रहिथे अउ उहां बिस्तर के उपलब्धता के मांग करथे । जबकि कुरूद स्थित पी.टी.सी. अउ नगरी के कोविड केयर सेंटर म तको ऑक्सीजनयुक्त बिस्तर अउ आने सबो सुविधा मन हावै । उन मन अपील करीन हे कि कोविड के मरीज स्वास्थ्य लाभ लेहे बर संबंधित क्षेत्र स्थित कोविड केयर सेंटर म जावयं।
ये मुश्किल घड़ी म सबो धीरज अउ साहस बनाए रखयं। कोविड महामारी ले बांचे बर मास्क, सामाजिक दूरी अउ साफ- सफई के धियान रखैं। जब तक जरूरी न होवय घर ले बाहिर झन निकलैं।
