रइपुर, 26 अप्रैल 2021 सम्मार।
मुख्यमंत्री दाउ भूपेश बघेल ह आज बेलासपुर, सरगुजा अउ बस्तर संभाग के जम्मो 25 नगर पालिका परिषदं के अध्यक्ष अउ मुख्य नगर पालिका अधिकारी मन के वीडियो कॉन्फ्रेंस से संघरे बइठका लेके कोरोना संक्रमण के अद्यतन स्थिति अउ रोकथाम के उपाय मन के समीक्षा करीन। मुख्यमंत्री दाउ बघेल कोति ले राज्य म कोरोना संक्रमण ले बचाव अउ रोकथाम के व्यवस्था मन के सरगल समीक्षा करे जावत हावय। 25 अप्रैल के रइपुर अउ दुरूग संभाग के नगर पालिका परिषद के समीक्षा करे रिहिने।ं मुख्यमंत्री घरू कार्यालय ले आयोजित वीडियो कॉन्फ्रेंसिंग म नगरीय प्रशासन मंत्री डॉ. शिव कुमार डहरिया के संगे -संग मुख्य सचिव श्री अमिताभ जैन, अपर मुख्य सचिव श्री सुब्रत साहू, मुख्यमंत्री के सचिव श्री सिद्धार्थ कोमल सिंह परदेशी अउ नगरीय प्रशासन विभाग के सचिव श्रीमती अलरमेलमंगई डी. संघरीन हवय।
मुख्यमंत्री दाउ बघेल ह कोरोना संक्रमण के स्थिति के समीक्षा करत सबो नगर पालिका परिषद म स्वच्छता, शुद्ध पेयजल के उपलब्धता अउ मरीज मन के तुरते इलाज उपर विशेष धियान देहे बर निर्देश दीन। हर गली-मोहल्ला म सरलग साफ-सफई अउ ग्रीष्म ऋतु ल धियान म रखत नगरीय क्षेत्र मन म शुद्ध पेयजल के सरलग आपूर्ति बर तको निर्देशित करीन । संग -संग पीलिया आदि बीमारी मन के रोकथाम बर आवश्यक उपाय सुनिश्चित करे के निर्देश दीन । मुख्यमंत्री ह नगर पालिका मन म चालू अप्रैल महीना मं राशन कार्ड धारी मन ल राशन वितरण अउ अवइया महीना एके संघरा मुफ्त देहे बर मई अउ जून के राशन के भण्डारण के संबंध तको जानकारी लीन।
मुख्यमंत्री दाउ बघेल ह ये बेरा जम्मो नगर पालिका परिषदं के अध्यक्ष अउ मुख्य नगर पालिका अधिकरी मन ले एकक करके चर्चा करीन अउ उन मन ल कोरोना संक्रमण के रोकथाम बर मरीज मन के तत्परता ले इलाज अउ अस्पताल मन म पर्याप्त व्यवस्था के संगे -संग अस्पताल मन बने प्रबंधन के मद्देनजर नगर पालिका परिषद के अध्यक्ष मन के मांगे म सक्ती अउ खरसिया म आवश्यकता के अनुरूप डॉक्टर मन के भर्ती बरर अनुमति दीन।
नगरीय प्रशासन एवं विकास मंत्री डॉ. शिव कुमार डहरिया ह तको वीडियो कॉन्फ्रेंस ले जुड़े सबो नगर पालिका के अध्यक्ष अउ मुख्य नगर पालिका अधिकारी मन ल सम्बोधित करीन हे।
