रायपुर 21 मार्च 2021। नगरीय प्रशासन मंत्री डां. शिव डहरिया ह नवा रइपुर के गाँव पलौद म गुरू घासीदास मंदिर के उद्घाटन अउ गुरू गद्दी के थापना समारोह म संघरीन हावय। ए बेरा म उनमन कहीन कि प्रदेश सरकार ह बाबा गुरू घासीदास के बताए मारग अउ सिद्धांत म चलत हावय। गुरू धासीदास बााब ह मनखे ल सत्त अहिंसा, प्रेम, शांति अउ भाईचारा के रद्दा देखाइन हे। बाबा ह मनखे -मनखे एक समान के संदेश दिहिन हे। उनमन कहीन कि संत ह कोनो एक समाज के नइ होवय भलकुन जम्मो मानव समाज के होथे। बाबा गुरूघासीदास के ये संदेश ह जम्मो समाज बर अनुकरणीय हावय।
उनमन कहीन कि हम सब बाबा गुरू घासीदास के बताए रद्दा म चल के छत्तीसगढ़ ल अउ बिकसित राज बनाबोन। ए बेरा म उनमन नवा बने गुरू घासीदास मंदिर के उद्घाटन करीन अउ जोड़ा जैतखाम अउ बाबा के पूजा अर्चना तको करीन।
