रायपुर, 17 फरवरी 2020। राजस्व अउ आपदा प्रबंधन विभाग के सचिव सुश्री रीता शांडिल्य ह राजस्व अधिकारी मन ले कहे हें के शहर मन म स्थाई पट्टा के नजूल जमीन ल मालिकाना हक के बनाए बर शहर के वार्ड म शिविर लगाए जाय। ए बात के जानकारी हितग्राही मन बने सहिन मिलय ये खातिर जम्मो जरूरी कार्यवाही ठउका करव, जेखर से मनखे मन ल शासन के ए सुग्घर योजना ले लाभान्वित करे जा सकय। राजस्व सचिव ह आज इहां मंत्रालय महानदी भवन म रायपुर, दुर्ग, धमतरी, बिलासपुर, बस्तर, सरगुजा, राजनांदगांव, कोरबा, रायगढ़, जांजगीर-चांपा, बलौदाबाजार संग कबीरधाम जिला के नजूल अधिकारी मन के बैठक लेके ए संबंध म जरूरी हुकुम दीन।
राजस्व सचिव ह बैठक म अधिकारी मन ले जिलावार शहर मन म नजूल जमीन के बंटन के प्रकरण मन के जानकारी लीन। उमन शहर मन म गैर रियायती दर अऊ रियायती दर म आबंटित जमीन के हितग्राही मन ल उंखर जमीन ल मालिकाना हक के बनाए करे बर करे जात काम मनके जानकारी लेत कहिन कि फ्री-होल्ड के फायदा के बारे म मनखे मन मन ल बतावव। अधिकारी मन ए बात के जोरदरहा प्रचार करव। अइसनहे राजस्व सचिव ह नगरीय क्षेत्र मन म अतिक्रमित जमीन के व्यवस्थापन करे बर शासन के हुकुम के मुताबिक समुचित कार्यवाही ठउका करे ल कहिन। उमन अतिक्रमित जमीन ल चिन्ह के जरूरी कार्यवाही करे के हुकुम राजस्व अधिकारी मन ल दीन। राजस्व सचिव ह गृह निर्माण सहकारी समिति अउ सामाजिक, शैक्षणिक, धार्मिक अऊ सांस्कृतिक संस्था मन ल रियायती दर म आबंटित जमीन ल मालिकाना हक के करे के संबंध म शासन के हुकुम के मुताबिक कार्यवाही करे बर निरधारित प्रपत्र म जानकारी तैयार करके संबंधित संस्था मन के सूची लउहे जमा करे के हुकुम दीन। बैठक म अधिकारी मन ले राजस्व वसूली के काम म प्रगति लाय बर जल्दी कार्यवाही करे के हुकुम दीन। अधिकारी मन ले सिंधी विस्थापित परिवार मन के विस्थापन के संबंध म घलोक जानकारी लेहे गीस।
बैठक म नजूल जमीन के डायवर्सन, व्यवस्थापन, शासकीय भूखण्ड मन के नियमितीकरण, कई राजस्व प्राप्ति मन के प्रविष्टि, भू-स्वामी संग नजूल अधिकारी मन ल ई-कोर्ट के तहत कार्यवाही करे के काम के समीक्षा करे गीस। उमन अधिकारी मन ले ऊंखर काम म अवइया समस्या मन के घलोक जानकारी लीन। ए अवसर म आयुक्त भू-अभिलेख श्री रमेश शर्मा संग राजस्व विभाग के आन अधिकारी मौजूद रहिन।
