छत्तीसगढ़ म सुशासन उपर नायब तहसीलदार मन ल सिखाए गीस पाठ

रायपुर, छत्तीसगढ़ प्रशासन अकादमी म साल 2016 बैच के नायब तहसीलदार मन ल ‘छत्तीसगढ़ म सुशासन’ के महत्व उपर विसय के खांटी जानकार मन ह प्रशिक्षण दीन। प्रशिक्षण सत्र ल प्रशासन अकादमी के संचालक श्री टी.सी. महावर ह घलोक सम्बोधित करिन।
छत्तीसगढ़ म सुशासन उपर विशेष सत्र के समय नगरीय अउ ग्रामीण क्षेत्र मन म जन शिकायत के जल्दी निराकरण अउ संवेदनशील प्रशासन के भूमिका, किसान मन के संबंध म विशेष रूप ले भू-अभिलेख संधारण के अद्यतनीकरण अउ अभिलेख के नकल देहे के सुगम कार्यवाही अऊ जन शिकायत निराकरण के संबंध म सफल अनुभव मन उपर चर्चा करे गीस। ग्रामीण क्षेत्र मन म गौठान मन ल आत्मनिर्भर बनाए म प्रशासन के भूमिका, साल 2021 म धान खरीदी के सफल अभियान के पृष्ठभूमि म प्रशासकीय कुशलता के योगदान, शासन के जनोन्मुखी अउ कल्याणकारी योजना मन म जनसहभागिता अउ प्रशासन के योगदान उपर चर्चा करे गीस। सत्र के समाप्ति खुले परिचर्चा के संग होइस। ये मा भाग लेवइया अधिकारी मन न केवल प्रासंगिक सवाल पूछिन, भलुक सुशासन के उदीम मन उपर अपन अनुभव उपर घलोक चर्चा करे गीस। छत्तीसगढ़ म सुशासन विसय म आयोजित सत्र, मुख्य वक्ता अउ भाग लेवइया अधिकारी मन के बीच सार्थक संवााद के संग पूरा होइस।