मुख्यमंत्री ह परीक्षण करके समस्या के समाधान करे के दीन निर्देश
रायपुर, 09 अगस्त 2024। पंजाब म तैनात रहे फौजी स्वर्गीय श्री बलदेव सिंह साहू के पत्नी श्रीमती ललिता साहू ह आज जनदर्शन म मुख्यमंत्री श्री विष्णु देव साय ले मिलके पेंशन के पूरा राशि देवाए बर मदद के गुहार लगाईस। दुर्ग ले आए श्रीमती साहू ह मुख्यमंत्री ल बताइस के वोखर पति इंडियन आर्मी म पंजाब म नायक के पोस्ट म रहिस। वोखर मृत्यु हो गए अऊ वो परिवार संग पंजाब ले छत्तीसगढ़ वापिस आ गइस। पंजाब म ओ मन ल पेंशन के पूरा राशि मिलत रहिस फेर छत्तीसगढ़ आए के बाद ओ मन ल इहां पूरा पेंशन नइ मिलत हे। मुख्यमंत्री ह कहिन कि एक देशभक्त खासकर फौजी के परिवारजन ल छत्तीसगढ़ सरकार कोनो कष्ट नइ होए देवय। उमन संबंधित अधिकारी मन ल जल्दी कार्रवाई के निर्देश देहे हे, ताकि जल्दीच श्रीमती साहू के समस्या के निराकरण हो सकय। श्रीमती साहू ह ए संवेदनशील पहल बर मुख्यमंत्री के आभार प्रकट करिस।