जगदलपुर, 31 मार्च 2021। थोकन दिन म बस्तर के परचम दुनिया के सबले ऊंचा टीप्प माउण्ट एवरेस्ट म लहराने वाला हे। पर्वतारोहण के संग सरलग बस्तर के मान बढ़ावत बस्तर के बेटी नैना धाकड़ एक पईत फेर माउण्ट एवरेस्ट म बस्तर के परचम लहराके रिकार्ड बनाए के तैयारी म हे। माउण्ट एवरेस्ट पहुंचे म वो बस्तर के अइसे पहली शख्सियत बन जाही।
मंगल के दिन कलेक्टर श्री रजत बंसल अऊ पुलिस अधीक्षक श्री दीपक झा ह नैना सिंह धाकड़ ल माउण्ट एवरेस्ट बर रवाना होए के पहिली अभियान के सफलता बर शुभकामना दीन। एनएमडीसी के नगरनार इस्पात अउ लौह संयंत्र के अधिशाषी निदेशक श्री प्रशांत दास घलोक ये बेरा म उपस्थित रहिन। बस्तर जिला प्रशासन अऊ एनएमडीसी के सहयोग ले माउण्ट एवरेस्ट ल फतह करे निकले नैना सिंह धाकड़ ह ये बेरा जिला प्रशासन अऊ एनएमडीसी के प्रति आभार व्यक्त करत बताइस के ओखर ये अभियान करीबन 60 दिन के होही।
माउंट एवरेस्ट ल फतह करे बर निकलिस बस्तर के बेटी नैना धाकड़
