मुंगेली 22 अप्रैल 2020// नोवेल कोराना (कोविड-19) के वैश्विक घड़ी के सहायता के कड़ी म आज मुंगेली जिला के श्री उमेश केशरवानी, श्रीमती स्नेहा केशरवानी, श्री अजय गुप्ता जी मन अपन स्व. माता श्रीमति नंदबाई गुप्ता, पिता स्व. श्री श्रीराम गुप्ता के स्मृति म जिला मुंगेली सहायता कोष म 75 हजार रूपया के चेक जिला पंचायत के मुख्य कार्यपालन अधिकारी श्रीमति नुपूर राशि पन्ना ल दे गिस अउ जरूरतमंद बर 21 हजार रूपया के भोजन पैकेट्स अउ 4 हजार रूपया के मास्क भेंट करे गिस । श्री उमेंश केशवरवानी ह बताइन कि माता स्व. श्रीमति नंदबाई गुप्ता, पति स्व. श्री श्रीराम गुप्ता जेखर मृत्यु 23 मार्च 2020 के हो गे हे अउ कोरोना के चलते जे प्रशासन द्वारा नियम ल ध्यान में रखत तेरहवीं के कार्यक्रम स्थगित करना पडिस अउ ऊंखर आत्मा के शांति बर जरूरतमंद लोगन बर एक छोट कुन रकम भेंट करिन। ए वखत डिप्टी कलेक्टर सुश्री निकिता मरकाम घलो उपस्थित रहिंन।
मुंगेली ले गुरतुर गोठ बर दिलीप बसंत
