खंजरी बजाके कलाकार मन के संग करिन संगत
रायपुर, छत्तीसगढ़ के पौराणिक नगरी चंदखुरी म आज राम वन गमन पर्यटन परिपथ के उद्घाटन अऊ माता कौशल्या मंदिर के नवा स्वरूप म लोकार्पण के समारोह म जब उहां मंच म श्री नंदकुमार साहू अपन मानस मण्डली के कलाकार मन के संग भगवान राम अऊ छत्तीसगढ़ के माटी के भावपूर्ण गौरव गाथा प्रस्तुत करत रहिन, तब मुख्यमंत्री श्री भूपेश बघेल संग उहां उपस्थित दर्शक भक्ति-भाव म भाव विभोर हो उठिन। मुख्यमंत्री श्री बघेल अपन ल रोक नइ सकिन अऊ मंच म जाके कलाकार मन के मण्डली के संग बइठ गें। उमन खंजरी बजाके मानस मण्डली के कलाकार मन के संग संगत करिन अऊ उंखर उत्साहवर्धन करिन।
