प्रगतिशील कृषक नारद मंडावी मछलीपालन ले बनिस आत्मनिर्भर

बीजापुर, बीजापुर जिला के विकासखण्ड बीजापुर अर्न्तगत ग्राम कुएनार के निवासी प्रगतिशील कृषक नारद मंडावी मछलीपालन के काम पाछू पांच बछर ले करत हे। नारद मंडावी ह बताइस के वो ह अपन खुद के 0.5 हेक्टेयर भुइया म ले 0.2 हेक्टेयर म बनवाए डबरी म मछली पालन करत हे। मछलीपालन विभाग ह वो ल व्यवसाय बर उन्नत तकनीकी प्रशिक्षण देहे हे अउ विभाग ले संचालित कई ठन योजना के अन्तर्गत जाल, आइस डब्बा सिफेक्स अउ मछलीपालन व्यवसाय बर जरूरी सामान देहे हे। जेखर परिणाम स्वरूप नारद मंडावी केवल मछलीपालन ले ही सालाना 3 लाख रूपिया कमावत हे। प्रगतिशील कृषक होए के सेती अउ मछलीपालन म एकर सक्रियता ल देखत विभाग ह पन कोति ले संचालित राज्य पोषित योजनान्तर्गत साल 2021-22 म वोला मछलीपालन के एकदम नवा तकनीकी के अध्ययन बर राज्य के बाहिर भेजे जाही। कृषक नारद मंडावी अभी हाल म मछलीपालन के संगें-संग मुर्गीपालन, बत्तख पालन अऊ साग-सब्जी उत्पादन करके अकतहा आय अर्जित करत हे। जेखर से नारद के परिवार आर्थिक रूप ले आत्मनिर्भर बन गए हे।