- मुख्यमंत्री ह पर्यावरण प्रदूषण अऊ ग्लोबल वॉर्मिंग उपर जताईन चिंता
- मुख्यमंत्री ह धमतरी म एग्रोमॉल, कोलियारी-खरेंगा रोड अऊ नवा मण्डी पहुंच मार्ग म सीसी रोड निर्माण के घोषणा करिन
रायपुर, मुख्यमंत्री श्री भूपेश बघेल आज धमतरी के गांधी चौक म आयोजित आमसभा म राजीव गांधी आश्रय योजना के तहत हितग्राही मन ल पट्टा बांटिन, संगेच मोर जमीन मोर मकान योजना के तहत हितग्राही मन ल मकान के चाबी सौपिन। एखर अलावा 11 महिला स्वसहायता समूह मन के महिला मन ल एक लाख 10 हजार रूपिया के आवर्ती राशि के चेक वितरित करिन। कार्यक्रम ल संबोधित करत मुख्यमंत्री श्री बघेल ह कहिन कि नरवा, गरूवा, घुरूवा अऊ बाड़ी योजना एक व्यापक मुहिम हे, जेखर जरिए जल संरक्षण, गौठान विकसित करे, जैविक खाद तियार करे के संगें-संग एकर जरिए सुनिश्चित आय अर्जित करे के मुहिम सरकार कोति ले चलाए जात हे।
