डौण्डी विकासखण्ड के दस नरवा के होवत हे सुधार
बालोद, 17 फरवरी 2020। कलेक्टर श्रीमती रानू साहू के मार्गदर्शन म जिला म राज्य शासन के महत्वाकांक्षी नरवा, गरूवा, घुरवा, बाड़ी अंतर्गत नरवा कार्यक्रम के तहत डौण्डी विकासखण्ड म दस मृतप्रायः नाला के जीर्णोद्धार करे जात हे। जिला पंचायत के अधिकारी मन ह बताइन के नाला मन के जीर्णोद्धार ले ओमां बारिश के पानी रूकही, जेखर से सिंचाई बर सुविधा मिलही संगेच भू-जल स्तर घलोक बाढ़ही। अधिकारी मन ह बताइन के डौण्डी विकासखण्ड के दस नाला मन के चिन्हारी करके, वैज्ञानिक पद्धति ले तकनीकी उपकरण मन के परयोग करत कार्ययोजना बनाए गए हे। जेमां कई बछर ले मृतप्रायः नाला मन ल जऊन झाड़ी अउ माटी ले पटा गए हे, ऊंखर जीर्णोद्धार बर किनारे म वृक्षारोपण, नाला के सहायक नाला मन म छोटे-छोटे निर्माण जइसे- लूज बोल्डर, चेक डेम, ब्रशवुड चेक आदि काम मन ल सामिल करे गए हे। अधिकारी मन ह बताइन के डौण्डी विकासखण्ड के दस नाला मन के जीर्णोद्धार बर कई काम के स्वीकृति प्राप्त करके काम चालू कर दिए गए हे।
